Giklaro ni Atty. Ephraim Cortez nga walay “clear and unmistakable right” si Senador Ronald “Bato” dela Rosa nga angayng protektahan sa balaod aron magawaran kini og injunctive relief o TRO.
Gumikan niini, gibalibaran sa Korte Suprema ang petisyon sa senador tungod kay wala may mapamatud-ang “irreparable injury” o dako nga kadaot kaniya.
Sa maong desisyon, gipahayag sa abogado nga tataw nga giila sa labing taas nga korte ang legalidad sa warrant of arrest.
Gani, gi-presume usab sa korte nga adunay hingpit nga hurisdiksyon ang Pre-Trial Chamber ibabaw sa maong kaso.
Isip sumada, kini nagpakita lamang nga giila sa korte ang awtoridad sa kagamhanan sa Pilipinas sa pagpatuman sa maong kamandoan sa pag-aresto. (jane abulag)
