Giklaro ni Presidente Ferdinand Marcos Jr. nga ang pagpaambit sa impormasyon tali sa Pilipinas ug Japan dili lang limitado sa militar, kondili naglakip usab sa weather forecasting, smart cities, ug satellite data.
Matod sa Presidente, dako ang ikatabang ang maayong sistema ug teknolohiya sa Japan aron mapalambo ang agrikultura ug masubay sa tarong ang mga bagyo, ulan, ug mga phenomenon sama sa El Niño.
Gawas niini, gipalig-on usab sa duha ka nasod ang ilang saad sa pagsunod sa international law, lakip na ang kagawasan sa paglawig sa West Philippine Sea ubos sa UNCLOS.
Hisayran nga pinaagi niini nga alyansa, gilauman nga mas makahimulos ang Pilipinas sa ka-hanas og teknolohiya sa Japan sa meteorolohiya aron mas mapalambo ang pagpangandam sa nasod sa mga kalamidad.
