Gihagit ni Atty. Neri Colmenares ang Philippine National Police (PNP) human mapakyas sa pagdakop kang Senador Ronald “Bato” Dela Rosa nga giingong dako og tinguha nga motago gikan sa balaod.
Matud pa ni Colmenares, dili katuohan nga malisuran ang kapolisan sa pagpangita kang Dela Rosa ilabi na nga usa kini sa labing sikat nga tawo sa nasod ug dako ang budget sa maong ahensya.
Nagduda usab siya nga posibleng adunay “kakutsaba” o nagahatag og impormasyon ug pasidaan ngadto sa senador gikan mismo sa sulod sa PNP.
Natingala daw usab ang abogado kung ngano nga National Bureau of Investigation (NBI) na ang nag-serve sa warrant imbes nga ang PNP nga maoy sagad mobuhat niini.
gibutyag usab niya nga daling madakpan ang mga ordinaryo ug kabus nga mga suspetsado, apan kung ang mga gamhanan na gani ang nalambigit, lisod kini nilang madakpan.
