Nagporma og usa ka higanteng windmill ang mga environmentalist sa Germany aron ipakita ang ilang grabeng pagsupak sa produksyon sa natural gas.
Gisaway sa mga aktibista ang gobyerno tungod sa padayong pagsalig sa fossil fuels nga maoy nag-unang hinungdan sa climate change.
Nanawagan sila nga hunongon na ang mga proyekto sa gas ug ibalhin ang pundo ngadto sa mga renewable energy sources.
Gibarugan sa maong grupo nga ang pagbaliwala sa krisis sa kinaiyahan usa ka dakong paglapas sa konstitusyon ug sa katungod sa mga batan-on.
Nagpahinumdom kining mabulukon nga protesta nga gikinahanglan na ang dinalian nga aksyon alang sa mas limpyo ug luwas nga kaugmaon sa kalibutan. (jane abulag)
