Miabot na sa kapin P3 bilyon nga balor sa mga pananom sa nasod ang nadaot tungod sa moisture stress o kakulang sa tubig, partikular na sa mga maisan sa Luzon.
Matod sa Department of Agriculture (DA), bisan wala pa’y opisyal nga deklarasyon sa El Niño ang PAGASA, may 15 na ka lugar ang nakasinati niining maong problema.
Aron matabangan ang mga mag-uuma, nagpatuman na ang DA ug National Irrigation Administration (NIA) og mga solusyon sama sa cloud seeding, pag-apod-apod og solar-powered nga irigasyon, ug pagpabalhin sa mga pananom ngadto sa mga dili kaayo manginahanglan og tubig sama sa munggo.
Gipasidan-an usab sa DA nga kung mosulod ang kusog nga El Niño karong ulahing bahin sa 2026, posibleng makunhuran og hangtod 700,000 metric tons ang produksyon sa humay sa nasod. (riza budlao)
