Gimandoan ni PNP General Melencio Nartatez Jr. ang tanang police commanders sa nasod nga palig-onon ang mga pagpangandam alang sa “Balik-Eskwela” operations karong Hunyo.
Katuyoan niini nga masiguro ang kaluwasan sa mga estudyante, magtutudlo, ginikanan, ug mga biyahedor sa pagsugod sa bag-ong tuig sa pag-eskwela.
Tungod niini, dugang mga pulis ang ipakatag aron mapataas ang “poilice visibility” o presensya sa kapolisan dapit sa mga tunghaan, nag-unang kadalanan, ug mga terminal sa sakyanan.
Hisayran nga kini nga lakang gihimo sa PNP aron magpabiling hapsay, malinawon, ug layo sa peligro ang publiko sa pagbalik sa klase.
