Gibalibaran sa Trial Chamber sa International Criminal Court kun ICC ang hangyo ni kanhi Presidente Rodrigo Duterte nga i-delay og napulog-siyam ka bulan ang pagsugod sa iyang trial.
Matud ni Atty. Neri Colmenares, legal counsel sa mga biktima, dako kini nga kadaugan alang sa mga pamilya sa Extrajudicial Killings kun EJK nga sukad pa niadtong 2017 ug 2018 naghulat og hustisya.
Giklaro ni Colmenares nga gumikan sa nagun-ob ug nagpundok nga mga mosyon gikan sa kampo ni Duterte, tuyo nga gipalangan ang dagan sa kaso hangtod nga niabot na lang kita karon sa tuig 2026.
Apan human sa taas nga paghulat, pormal nang gitakda sa korte nga sugdan ang husay karong umaabot nga Nobyembre 30 ning tuiga.
Andam na usab ang kampo sa mga biktima nga mopresentar sa ilang mga lig-ong ebidensya aron sa katapusan, makab-ot na ang dugay na nilang gisinggit nga katarungan.
