Gi-anunsyo sa Philippine Statistics Authority (PSA) nga mihagba ang inflation rate sa Pilipinas sa bulan sa Mayo.
Gikan sa 7.2% sa Abril, mi-us-os kini sa 6.8%
Subay sa PSA, ang hinungdan sa pagkunhod mao ang hinay nga pagsaka sa presyo sa pagkaon, ilabi na sa bugas, utanon, ug karne, ingon man, ang mas ubos nga bayad sa kuryente ug pipila ka serbisyo.
Bisan pa man nga nagpabilin kini nga taas kung itandi sa target range sa Bangko Sentral ng Pilipinas (BSP) nga 2% hangtod 4%, giisip sa mga ekonomista nga positibong timailhan ang hinay-hinay nga pagkunhod sa inflation.
Sa datos sa ahensya ang food inflation mikunhod ngadto sa 8.5% gikan sa 9.1% niadtong Abril, samtang ang non-food items sama sa transportasyon ug housing utilities nagpakita usab og mas hinay nga pagsaka.
