Nagpagawas na sa bag-ong gabayan ang Registry sa International Criminal Court (ICC) alang sa umaabot nga pagdungog sa kasong crimes againts humanity batok kang kanhi Presidente Rodrigo Duterte.
Lakip sa mga rekomendasyon sa ICC Registry ang pagmando sa partido ug mga nalambigit sa kaso nga klaro nga tukion kung unsang bahin sa transcript ang gusto nilang ipa-redact o itago gikan sa publiko.
Gisugyot usab sa Registry ang paggamit sa transcript verification process nga gigamit sa kaso ni Mahamat Said Abdel, kini aron masiguro ang tukma nga rekord sa opisyal nga pagdungog.
Gipasabot sa Registry nga makatabang kini nga pamaagi aron magpabiling organisado ug naa sa usa ka komprehensibong sistema ang tanang rekord sa kaso.
Mahinumduman nga sa unang status conference niadtong Mayo 27, miingon si Trial Chamber III Presiding Judge Joanna Korner nga ipahiling subli ang panglawas sa kanhi presidente aron matino kung siya ba adunay kapasidad nga mutambong sa pagdungog.
Gitakda ang unang pormal nga hearing sa kaso ni Duterte sa Nobyembre 30, 2026.
Adeser niini, aduna usab duha ka status conferences ang ICC sa Hunyo 23 ug Hulyo 14 isip kabahin sa pagpangandam sa umalabot nga trial.
