Trending karon sa social media ang mensahe nga ang bandila sa nasud ang nahimong instrumento aron maluwas ang liboan ka mga kinabuhi atol sa pag-igo sa 7.8 magnitude nga linog sa Mindanao kagahapong adlawa.
Sumala sa report, nahiuyon ang maong panghitabo sa pagpahigayon sa flag ceremony sa mga tunghaan ug pampublikong institusyon, lakip na sa kapitolyo probinsyal sa Misamis Oriental, diin kadaghanan sa mga kawani anaa sa hawanan.
Bisan pa man sa nasinati nga intensity 8 nga pag-uyog sa dakbayan sa Cagayan de Oro, gikumpirma nga walay natalang kadaot o samad sa mga opisyal ug trabahante sa maong insidente.
Tinuod man nga na-undang kadiyot ang seremonya sa kapitolyo tungod sa maong pagtay-og, gihatagan kini og lalom nga paglantaw sa mga netizen nga maayo na lamang nga wala sila sa sulod sa mga dagkong bilding.
Tungod niini nagpabilin ang panglantaw sa publiko nga ang pag-flag ceremony ang naghimo kanila nga luwas sa maong trahedya.
