Gipahayag ni kanhi Senador Antonio Trillanes IV ang iyang suporta sa posibleng pagdagan ni Senador Risa Hontiveros isip presidente sa umaabot nga eleksyon sa tuig 2028.
Matod pa ni Trillanes, si Hontiveros ang nagrepresentar sa klase sa liderato nga gikinahanglan sa nasod tungod sa iyang tinuod nga pakigbisog sa katungod sa matag Pilipino.
Giduso usab niya ang pagpalig-on sa “RISA NA movement” aron mahimong giya sa pagpanalipod sa demokrasya taliwala sa mga destabilization activities o mga kalihokang makapadaot sa kaggamhanan sa nasod karon.
Gihatagan usab niya og gibug-aton nga dili pa sayo ang maong preparasyon ug kini na ang saktong panahon aron sugdan ang kausaban.
