Wala kapugong si Senador Raffy Tulfo ug gilatigo og maayo ang kredibilidad sa 18 ka nagpa-ilang mga “ex-marines” nga nistestigo sa Senate Blue Ribbon Committee niadtong Hunyo 4 ning tuiga.
Suko nga gikuwestiyon sa senador ang iyang kaubang magbabalaod nga nitawag pa og “bayani” sa maong grupo, atol sa maong pagdungog nga gipangunahan nila ni Senators Pia Cayetano ug Rodante Marcoleta.
Matod ni Tulfo, daw dili niya matugotan nga ihan-ay ang mga giingong “bagman” ngadto sa mga tinuod nga bayani sa nasod sama ni José Protasio Rizal Mercado y Alonso Realonda, dungan sa pagtataw nga pulos lang bakak ug walay basehan ang mga pamahayag sa maong grupo. (jane abulag)
