Gikumpirma ni Atty. Melvin Matibag nga lima lang gikan sa 18 ka mga kargador ang nipirma sa ilang indibidwal nga affidavit human sila gipaubos sa question and answer sa task force.
Gibabagan matod pa sa ilang abogado ang laing 13 ka testigo nga mopirma, ug gani gusto pa niining gision ang mga nahatag nang pamahayag.
Tungod niini, gipasabot ni Matibag nga mubo ra ang probative value o kakulangon sa gibug-aton sa maong mga dokumento aron mobarog sa korte.
Dili sumala pa gusto sa NBI nga moresulta lang sa “fishing expedition” o pataka nga pagpamasol ang ilang imbestigasyon nga walay lig-ong basehan.
Bisan pa man niini, gipasalig sa opisyal nga nagpabiling abli ang ilang buhatan alang sa bisan unsang dugang ebidensya nga direktang makatabang sa pagpalig-on sa maong kaso.
