Mulupad si Presidente Ferdinand Marcos Jr sa Canada, alang sa iyang official state visit sa Hulyo 1 hangtud 4, 2026.
Ang iyang pagbiyahe maoy iyang tubag sa imbitasyon ni Canadian Prime Minister Mark Joseph Carney.
Lakip sa ilang hisgutan ang pagpalig-on sa Bilateral nga relasyon sa Pilipinas ug Canada.
Unod niini ang ipanday nga lig-ong kooperasyon sa negosyo, pamuhunan, enerhiya, ug mga importanteng mineral. Hatagan usab sa gimbug-aton sa duha ka lider ang mga nag-unang isyu sa
ASEAN, mga promosyon sa negosyo sama sa pagpalambo ug pagpamuhunan sa Information Technology (IT), Business Process Management (BPM), Artificial Intelligence (AI), ug mga imprastraktura.
Sulod sa iyang itenirary ang pakig-atubang sa komonidad sa mga Pilipino sa Canada, kundiin, ang First Lady nga si Liza Araneta maoy mu-eskorte kaniya sa pakig-abi-abi sa mga pinoy sa Vancouver, ug British Columbia, ug dinhi ilhon ang ilang dakung kontribusyon sa ekonomiya sa nasud.
Ulahing mibisita ang Pilipinas sa Canada sa panahon ni anhing Presidente Noynoy Aquino III niadtong tuig 2015.
Ning tuiga, eselebrar usab sa duha ka nasud ang ika-75 nga anibersaryo sa diplomatikong relasyon.
