Mitubag si Senador Rodante Marcoleta sa posibilidad nga siya mahimong dakpon ning semanaha.
Gihingusgan sa senador nga dili siya matandog bisan pa sa posibilidad nga masikop.
Namahayag si Marcoleta nga padayon niyang unahon ang kaayohan sa katawhang Pilipino ug ang pagpadayag sa kamatuoran.
Wala gisalikway sa senador ang pagduda nga planado ang lakang batok kaniya ug iyang gitumbok si Ombudsman Jesus Crispin Remulla nga mao kuno ang nagpaluyo sa isyu.
Bisan pa niina, gipadayag sa senador nga magpadayon siya sa pagpanalipod sa iyang baruganan ug sa giingon niyang kamatuoran.
