Patas nga pagtratar sa Impeachment, gipanawagan sa academe

Gisaway ni Dr. Christopher Ryan Maboloc, Associate Professor gikan sa Ateneo de Davao University, ang matod pa pagbabag sa mga tawo nga gusto lamang mopadayag sa ilang mga nasayran kalabot sa usa ka giimbestigahang isyu.

Iyang gipahayag nga ang dinalian nga paghukom nga “bias” o dunay ginitigan ang maong mga impormasyon nagpakita lamang sa kakulang sa patas nga pamaagi sa pagpangita sa kamatuoran.

Gipamugos sa doktor nga sa bisan unsang imbestigasyon, dili angay nga magpili lamang og mga anggulo nga pabor sa kaugalingong interes tungod kay ang tiunay nga kamatuoran dili man mamahimong “selective”.

Alang kaniya, iyang gi-awhag ang mga senador nga ipakita ang patas nga tratamento sa kaso ni Vice President Sara Duterte.