Gipasabot ni Senate Secretary Atty. Renato Bantug Jr. nga ang gipahigayon nga pre-trial conference sa impeachment case batok kang Bise Presidente Sara Duterte nagtumong sa pagtakda sa mga detalye sa umaabot nga pagdungog.
Lakip sa gihisgutan sa maong tigom ang pag-uyon sa mga partido bahin sa mga kamatuoran nga dili na lalisan, mga saksi nga ipresentar, ug ang iskedyul sa paghusay sa kaso.
Matud pa ni Atty. Bantug, tumong sa maong proseso nga mapadali ang dagan sa trial pinaagi sa klarong kasabutan sa tanang nalambigit nga panig.
Gipahayag usab niya nga ang maong lakang makatabang sa paglikay sa wala kinahanglana nga administrative delays atol sa pagdungog.
Sa kinatibuk-an, gihulagway niya ang pre-trial conference isip usa ka estratehikong lakang aron masiguro ang hapsay ug husto nga dagan sa legal nga proseso sa impeachment court. (jane abulag)
