Gikumpirma ni Ombudsman Jesus Crispin “Boying” Remulla nga adunay na silang napirmahang kasabutan uban kang kanhi DPWH Secretary Manuel Bonoan.
Tumong niini nga himuon si Bonoan nga state witness sa mga kasong may kalabotan sa mga kontrobersyal nga flood control projects.
Matod ni Remulla, mohangyo sila sa Sandiganbayan nga i-discharge si Bonoan isip usa sa mga akusado aron mahimo siyang state witness sa kaso.
Kon aprobahan sa korte, makahatag siya og testimonya pabor sa prosekusyon.
Gilauman sa Ombudsman nga makatabang ang testimonya ni Bonoan sa pagpalig-on sa ilang mga kaso batok sa ubang mga nalambigit sa giingong mga iregularidad sa mga flood control projects. (jane abulag)
