Gipamugos ni ML Partylist Representative Leila de Lima nga kinahanglan nang ablihan ug markahan ang mga ebidensya nga anaa sulod sa BIR box isip kabahin sa pre-trial proceedings sa impeachment case.
Bisan pa nga miuyon ang kampo sa depensa nga ablihan ang maong kahon, mihangyo sila nga himuon kini pinaagi sa executive session. Apan, gisupak kini ni De Lima ug giingong dili na kinahanglan ang executive session.
Matod niya, mahimo rang magtalaga og team nga maoy mo-abli, mo-inventory, ug mo-marka sa mga ebidensya aron mapadali ang proseso.
Gidugang pa niya nga ang sayo nga pagmarka sa mga ebidensya makatabang sa mas paspas nga pagsusi sa mga dokumento ug sa pag-andam alang sa paghusay sa kaso. (jane abulag)
