Gipasabot sa Principal nga si Jesus Tabalino sa Escalante National High School nga ipatuman ang tulo ka adlaw nga Alternative Delivery Mode (ADM) sa klase isip tubag sa nahitabong shooting incident sa Tacloban City.
Sulod niining tulo ka adlaw, tagaan og mga learning activities ang mga estudyante aron masiguro nga magpadayon ang ilang pagtuon.
Matud ni Tabalino, nagpabilin ang kabalaka ug kahadlok sa pipila ka mga ginikanan ug mga estudyante tungod sa mga impormasyon nga mikaylap sa social media.
Isip kabahin sa mga lakang sa eskwelahan, pagahatagan usab og mental ug psychosocial support ang mga estudyante sa ilang pagbalik sa klase karong Hulyo 2.
Giingon ni Tabalino nga gipatuman kini uban sa pagtugot sa ilang regional director aron masiguro ang kaluwasan sa mga estudyante ug mapahiuli ang pagsalig sa komunidad sa eskwelahan. (jane abulag)
