Giawhag ni Presidente Ferdinand Marcos Jr. ang Philippine Air Force nga padayong ipatigbabaw ang pinakataas nga sumbanan sa propesyonalismo, disiplina, ug integridad sa ilang pag-alagad sa nasud.
Sa iyang pakigpulong atol sa ika-79 nga Founding Anniversary sa Philippine Air Force karong adlawa, gipahinumdoman sa Presidente ang mga sundalo nga magpabiling matinumanon sa ilang konstitusyonal nga katungdanan sa pagpanalipod sa katawhan, sa teritoryo sa nasud, ug sa demokratikong mga institusyon.
Gipasidunggan usab ni Presidente Marcos ang mga opisyal ug personnel nga nagpakita og talagsaong performance ug dedikasyon sa pagtuman sa ilang mga responsibilidad.
Matud pa kaniya, ang kahusayan sa pagserbisyo dili makab-ot pinaagi sa salagma, kondili resulta sa makanunayong dedikasyon, disiplina, ug matinud-anong pagtuman sa katungdanan.
Gilauman usab sa Presidente nga ang mga awardees mahimong inspirasyon sa ilang mga kauban aron magpadayon sa pag-alagad sa nasud nga adunay integridad, propesyonalismo, ug klaro nga katuyoan.
