Gipakyas sa Department of Labor and Employment (DOLE) ang labor advocates sa Northern Mindanao.
Nunot kini sa gi-anunsyo ni DOLE Secretary Francis Tolentino nga dugang P85 nga usbaw sa matag adlaw nga suhulan sa kauluhan.
Namahayag si Tita Hadman, spokesperson sa Kilusang Mayo Uno (KMU) Northern Mindanao nga nalipay na unta sila sa anunsyo apan, dili man di-ay kini para sa tanan.
Nagminghoy ang grupo ni Hadman kay igo ra misugilon si Tolentino nga istoryaho pa ang mga pribadong employers sa Mindanao kalabot sa laraw nga usbaw suhulan.
Una niini, wala gikahimoot sa grupo sa KMU ang dili patay nga pagpasaka sa suhulan ilabe na nga pareho ra ang presyo sa bugas ug uban pang palalition sa Luzon ug sa Mindanao.
Giawhag sa KMU ang DOLE nga dili lang unta taman sa serye sa konsultasyon kay samtang nagligid ang panahon, padayon ang pagmahal sa presyo sa palaliton ug ang suhulan walay umento.
