Giisip ni Presidente Ferdinand Marcos Jr. nga usa ka dakong kalampusan alang sa nasod ang opisyal nga pag-uswag sa Pilipinas ngadto na sa “upper middle-income status.”
Sa iyang video message, gipahayag sa Pangulo nga kini nga milestone nagpamatuod nga epektibo ang mga economic policies nga gipatuman sa iyang administrasyon sulod sa miaging upat ka tuig.
Human sa hapit upat ka dekada nga pagpabilin sa lower middle-income status sukad niadtong 1987, ang bag-ong estado sa nasod gilauman nga magdala og dugang nga kumpiyansa sa mga investors.
Gidugang pa ni PBBM nga magpadayon ang kagamhanan sa pagtrabaho aron ang maong pag-uswag sa ekonomiya bation gyud sa matag pamilyang Pilipino pinaagi sa mas maayong trabaho ug oportunidad.
