Opisyal nang gipagawas sa financial disclosure ni President Donald Trump nga mikabat sa kapin $1.4 bilyon ang iyang gi-report nga kita gikan sa iyang mga crypto venture sa miaging tuig.
Base sa maong disclosure, ang mga digital asset na karon ang pinakadako niyang tinubdan sa kita, nga milabaw na sa iyang tradisyonal nga negosyo sa real estate.
Tungod niini, adunay mga kritiko nga nagpatunghag kabalaka sa posibleng conflict of interest, tungod kay giingon nilang ang pipila ka polisiya sa administrasyon ni Trump nakahatag og kaayohan sa crypto industry.
Sa laing bahin, gidepensahan sa White House ang maong mga kalihokan ug giingong kabahin kini sa ilang tumong nga himuong “crypto capital of the world” ang Estados Unidos.
Sa pagkakaron, nagpadayon ang debate kung angay bang tugotan ang maong mga kalihokan samtang naglingkod si Trump isip presidente sa nasud. (jane abulag)
