Giawhag ni Department of Education (DepEd) Secretary Sonny Angara ang mga tunghaan sa tibuok nasod nga pakusgan ang pakigtambayayong sa Parent-Teacher Associations (PTA) aron mapugngan ang kapintas ug uban pang hulga sulod sa mga eskwelahan.
Sumala kaniya, ubos sa Omnibus PTA Guidelines, ang mga tigom sa PTA mahimong gamiton sa paghisgot sa mental health, anti-bullying, ug responsableng paggamit sa internet.
Nakigtambayayong usab ang DepEd sa PNP ug DICT aron mapanalipdan ang mga bata batok sa mga online extremist groomers, human mitumaw ang mga indikasyon nga may kalambigitan ang usa ka online extremist network sa nahitabong pagpamusil sa usa ka tunghaan sa Tacloban City
