Gawas sa impeach, ang ika-upat nga State of the Nation Address (SONA) ang sunod nga gihulatan sa katawhang Pilipino. Namahayag si kanhi Misamis Oriental Vice Governor Joey Pelaez diha nga dinhi masukod ang kamatinud-anon ni Presidente Ferdinand Marcos Jr kalabot sa iyang saad nga bungkagon ang naghitak nga kurapsyon sa nasud.
Miingon si Pelaez nga seryoso ang presidente sa sinugdanan, apan, nagpabilin gihapon nga dako ang pagduda sa iyang sinseridad batok sa korapsyon.
Giasoy ni Pelaez nga una nang misaad ang pangulo nga i-endorso ang balaod alang sa pagtukod sa usa ka Independenteng Commission on Infrastructure ug gani naghimo pa kini sa usa ka executive order.
Apan inay ipadayon, gibalhin ang maong katungdanan ngadto sa Ombudsman nga nailhan usab sa publiko nga adunay isyu sa pagka-mapihigon o partisanship.
