Kusganong gisaway ni kanhi Cagayan de Oro City Mayor Atty. Tennix Jaraula ang nagpadayong panag-away sa politika diha sa Senado nga sumala pa niya, naghatag lang sa kalimot sa tinuoray nga kaayohan sa nasod.
Gipamugos ni Jaraula nga tungod sa sige nga panagbangi ug malisyosong pagkontrahanay sa mga magbabalaod, hingpit nang nasalikway ang mga batakang suliran sa katawhan sama sa kakulangon sa mga lawak sa nagkalain-laing ospital ug ang kahimtang sa mga masakitong Pilipino.
Siya miingon nga inay nga ibutang sa ilang dughan ug alimpatakan ang kaayohan sa publiko, mas gipalabi pa sa mga senador ang personal nga interes ug pulitikanhong paggantihay.
Tungod sa maong sitwasyon, gipahayag sa kanhi mayor nga mas maayo pa nga dungan nga mag-resign ang tanang mga nalambigit nga opisyal kon dili gihapon nila kayang unahon ang serbisyo sa katawhan.
