Gikuwestiyon ni Atty. Israelito Torreon ang pagpili og presiding officer sa impeachment trial.
Matod niya, walay klarong basehan sa Konstitusyon ang maong lakang.
Sumala sa iyang interpretasyon sa Article XI, Section 3, Paragraph 6 sa 1987 Constitution, walay basehan ang pagpili og laing presiding officer sa maong impeachment trial.
Tungod niini, nagsumite sila og Very Urgent Manifestation with Motion sa Korte Suprema. Tumong niini nga kuwestiyonon ang legalidad sa maong kahikayan sa impeachment court. (jane abulag)
