Gidangop ni Atty. Israelito Torreon sa Korte Suprema ang usa ka petisyon aron ipahunong ang nagpadayong impeachment proceedings batok kang Bise Presidente Sara Duterte.
Sa petisyon, iyang gipangayo nga ideklarar nga walay bisa ang maong proseso tungod sa giingong seryosong paglapas sa due process sa House of Representatives.
Matod ni Torreon, adunay mga alegasyon sa Articles of Impeachment nga wala nalakip sa orihinal nga mga impeachment complaint nga gisang-at batok sa Bise Presidente.
Gikuwestiyon usab niya ang paagi sa House Committee on Justice sa pagdumala ug pagproseso sa upat ka impeachment complaints sa wala pa kini giaprobahan sa Kamara.
Sa pagkakaron, wala pa makapagawas og desisyon ang Korte Suprema ug nagpaabot pa ang tanan sa aksyon niini sa maong petisyon. (jane abulag)
