Milagrosong naluwas ang usa ka 17-anyos nga dalagita human ma-trap sulod sa 17 ka oras ilawom sa mga nagun-ob nga tinukod tungod sa duha ka sunod-sunod nga linog nga miigo sa Venezuela niadtong Hunyo 24.
Ang maong mga linog nga adunay magnitude 7.2 ug 7.5 nakapahinabo og grabeng kadaot sa daghang lugar, ilabina sa estado sa La Guaira, nga usa sa labing grabeng naapektuhan.
Sumala sa pinakabag-ong opisyal nga report, misaka na sa 4,490 ang namatay, samtang 16,740 ang angol, 6,462 ang giluwas, ug 17,907 ang nahimong walay pinuy-anan.
Nahimong simbolo sa paglaom ang kaluwasan sa maong teenager samtang nagpadayon ang mga awtoridad ug mga international humanitarian organizations sa paghatag og tabang sa mga apektadong komunidad.
Sa pagkakaron, nagpadayon ang pag-apod-apod og pagkaon, medikal nga serbisyo, ug temporaryong kapuy-an sa mga biktima, samtang gipakusog usab ang rehabilitasyon sa mga lugar nga grabeng nadaot. (jane abulag)
