Gipaambit sa aktres nga si Nadine Lustre nga dili pa siya andam mahimong inahan sa pagkakaron.
Sa usa ka podcast interview uban ni Kylie Verzosa, gipatin-aw ni Nadine nga sukad pa sa iyang pagkabata nahimo na siyang breadwinner sa ilang pamilya, maong gusto una niyang hatagan og prayoridad ang iyang kaugalingon ug ang iyang personal nga kalinaw.
Matod pa sa aktres, nagkasinabot sila sa iyang partner nga si Christophe Bariou bahin sa ilang mga prayoridad sa kinabuhi sa pagkakaron.
Dugang pa niya, wala pa siya mobati nga andam sa responsibilidad sa pagkamahimong ginikanan.
Bisan pa niini, wala niya gisirado ang posibilidad nga mahimong inahan sa umaabot, apan sa pagkakaron mas gipunting niya ang iyang personal nga paglambo ug ang iyang karera. (jane abulag)
