Mipa-ambit sa espesyal nga mensahe sa unang adlaw sa International Space Station (ISS) si National Aeronautics and Space Administration (NASA) astronaut Anil Menon.
Samtang naglutaw uban sa talagsaong tan-awon sa kalibutan, iyang giila ang dedikasyon sa NASA ug Space Force sa pagpalapad sa utlanan sa eksplorasyon sa tawo sa kalangitan.
Iyang gipamugos nga ang paglawig sa ISS nagsilbing pinakamahinungdanon nga lakang padulong sa mga “halos imposible” nga misyon sa umaabot, lakip na ang pagbalik sa Bulan ug ang pag-abot sa planetang Mars.
Sa iyang mensahe, mi-ingon usa si Menon nga ang ISS usa ka simbolo sa panaghiusa ug paglaum alang sa katawhan. Gitapos niya ang iyang “day-1 vlog” sa pag-ingon “Let’s go team, let’s do this.”
Hisayran nga ang Soyuz MS-29 spacecraft gisakyan ni NASA astronaut Menon ug ang duha ka Roscosmos cosmonauts nga sila Pyotr Dubrov ug Anna Kikina.
Ang misyon nagtimaan sa padayon nga panaghiusa sa U.S. ug Russia sa kalihokan sa kalangitan, bisan pa sa mga geopolitical nga tensiyon.
Ang Soyuz MS-29 magdala sa tulo ka crew nga mag-apil sa mga eksperimento ug operasyon sa ISS.
