Gibutyag ni Ombudsman Jesus Crispin ‘Boying’ Remulla nga hapit na nilang ipasaka ang kasong plunder batok kang kanhi House Speaker Martin Romualdez kalabot sa giingong anomalya sa mga flood control projects.
Sumala ni Remulla, gilauman nga mosulod na kini sa ‘preliminary investigation’ diin gipasalig niya nga tumanon ang saktong proseso sa balaod ug irespeto ang katungod sa akusado, bisan pa man og wala pay pinal nga petsa kon kanus-a kini pormal nga iduso. ‘
Samtang, agi’g tubag sa mga kritisismo nga matod pa mga sakop lang sa minoriya sa Senado ang gigukod, nanindigan ang Ombudsman nga wala silay gipili nga opisyal kon duna silay makitang kalapasan sa balaod.
