Kapin 20,000 ka mga sakop sa Philippine National Police ang ipakatag sa tibook Metro Manila alang sa ika-lima nga State of the Nation Address (SONA) ni Presidente Ferdinand Marcos Jr.
Gibutyag sa PNP nga tumong sa maong gidaghanon mao ang paghatag seguridad sa presidente, mga bisita, ug mga magbabalaod nga mutambong sa iyang tinuig nga paghatag report sa katilingban, kada ika-upat nga Lunes sa Hulyo.
Ang puwersa sa seguridad maglakip sa mga sakop sa PNP, Armed Forces of the Philippines (AFP), Philippine Coast Guard (PCG), ug uban pang partner agencies.
Ang deployment gilaraw aron mapugngan ang bisan unsang hulga sa seguridad ug aron masiguro nga hapsay ang dagan sa mga kalihokan sa palibot sa Batasang Pambansa.
Gawas niini, ipatuman usab ang istriktong crowd control ug traffic management aron malikayan ang kalibog ug kagubot sa kadalanan.
