Gikuwestiyon ni Atty. Adonis Gumahad kung igo ba ang subpoena duces tecum aron mahimong basehan sa pagpagawas sa BIR records o Income Tax Returns (ITR) nila ni Vice President Sara Duterte ug Atty. Mans Carpio.
Matud sa abogado, base sa iyang interpretasyon sa National Internal Revenue Code o NIRC, wala niya makita nga ang maong subpoena usa sa mga pamaagi nga nagtugot sa pagpagawas sa mga Confidential nga dokumento sa BIR.
Dugang pa niya, wala siya makakita sa legal nga basehan nga nagtugot sa pagpagawas sa maong mga pribadong rekord pinaagi lamang sa subpoena.
Dugang usab ni Gumahad nga ang maong isyu magdepende na sa desisyon sa Senate Impeachment Court kung mosunod ba kini sa mga probisyon sa NIRC o mogamit sa kaugalingong mga lagda sa impeachment proceedings.
Bisan pa niini, gipasabot sa abogado nga kasagarang dili kaayo estrikto ang impeachment court sa teknikal nga mga lagda sa ebidensya kumpara sa ordinaryong mga korte. (JANE ABULAG)
