Gipahayag ni House prosecution spokesperson Robert Ace Barbers nga ang mga kriminal kinahanglan gyud nga masilotan ubos sa balaod, ug dili angay nga himuong rason ang panawagan nga ibalik ang “kamay na bakal” sa kanhi administrasyong Duterte.
Kini ang nahimong reaksyon ni Barbers human nasayran nga ang suspek sa pagpatay sa usa ka rider, usa ka repeat offender o subling nakahimo og krimen, diin iyang gipasabot nga angay lang kini nga patubagon sa iyang sala.
Gitataw sa mambabalaod nga dili angay pangandoyon sa publiko ang pagbalik sa panahon diin sagad makit-an ang mga patayng lawas nga anaa sa kadalanan tungod sa kampanya batok ilegal nga droga.
