Gipangusgan ni Luz Antiza P. Denuyo, founder sa Ganda Natural Farming System of the Philippines, Inc., ang panawagan ngadto sa publiko nga mamahimong mabinantayon sa pagpili og mga lider sa umaabot nga piniliay.
Gipamahayag ni Denuyo nga kinahanglan gayud mopili og mga lider nga adunay tinuoray nga gugma sa kinaiyahan ug pagkahadlok sa Ginoo aron masulbad ang mga dagkong problema sa kinaiyahan ug panglawas sa nasud.
Dugang pa niya, importante ang paggahin og panahon sa pag-discern ug pagpamalandong sa matang sa pagdumala nga angay suportahan aron masiguro ang kaayohan sa tanan.
Subay niini, gihagit ni Denuyo ang matag usa nga hatagan og prayoridad ang pagbotar sa mga kandidato nga nagpakita og pagtagad sa kinabuhi, palibot, ug sa kahimtang sa mga mamumuo.
