Gikuwestiyon sa pipila ka Senator-Judge ang desisyon sa Senate impeachment court nga aprubahan ang pag-subpoena sa financial ug bank records ni Bise Presidente Sara Duterte, iyang bana, ug mga kaubang negosyo niini.
Si Senator-Judge Alan Peter Cayetano nangutana kon mahimo ba nga gamitong ebidensya sa pagdungog ang mga transaksiyon nga nahitabo sa wala pa milingkod si VP Sara, subay sa usa ka desisyon sa Korte Suprema.
Gitubag kini ni House prosecutor Chel Diokno nga wala magdili ang Korte Suprema sa paggamit sa maong mga dokumento sa nangaging katuigan kon kini may kalabotan sa integridad, ug giingong ‘unexplained weakth’ sa opisyal.
Matod sa prosekusyon, mahinungdanon kaayo ang maong mga records aron pamatud-an ang mga alegasyon sa ‘betrayal of public trust’ nga nalangkub sa Article II sa impeachment complaint batok sa Bise Presidente.
