Dili madawat ni Presidente Ferdinand Marcos Jr nga tawagon siyang onggoy, bisan adunay mga opisyal nga mi-angkon nga sila midawat sa kamatooran nga managsama sa nawong sa onggoy.
Kini ang gipagawas nga pahayag ni Palace Press Officer Atty Claire Castro human napangutana sa prensa ang reaksiyon sa pangulo sa AI Generated video caricature gikan sa government run state TV chanel – China Daily.
Miingon si Castro nga maskin kinsa nga Pilipino ug lakip na ang president dili makauyon sa pagtamay sa dignidad sa atong kaigsuonan.
Gipasabut niini nga ang matag lungsanon nagbarog nga may kapuslanan ug kahamtang nga angay respetuhon sa tanan.
Samtang may pipila man nga nakawatang sa ilang pagkatawo ug daw nadawat na lamang ang maong pagtratar, ang Pangulo dili gayud motugot nga tamayon ang dungog sa iyang katawhan.
Ang maong baruganan nagpakita lamang sa walay duhaduha nga pagpanalipod sa kagamhanan sa dungog sa nasud batok sa bisan unsang porma sa pang-insulto.
Tungod niini, gipadayag sa kagamhanan ang lig-on nga panaghiusa sa tanang Pilipino aron ipadayag ang atong bili ug kaangayan sa tibuok kalibutan.
