Gipasabot ni Atty. Oscar Moreno, magtutudlo sa abogasiya, nga daw adunay nakab-ot nang desisyon ang impeachment court kalabot sa kontrobersyal nga mga subpoena sukad pa niadtong miaging Miyerkules.
Sumala ni Moreno, gihangyo lamang ni Senator Alan Peter Cayetano ug sa iyang mga kauban nga isibog sa Lunes ang pagpagawas sa desisyon aron makapangutana pa sila sa prosecution ug defense.
Gipasabot niya nga ang pikas bahin nagdumili sa maong mga subpoena tungod kay itinuturing nila kini nga “fishing expedition” lamang ug walay klarong gipabasehang legal nga detalye.
Dugang pa niya, giduso sa defense nga ang paggamit sa AMLAC report maoy usa ka kalapasan sa Section 8-A sa Anti-Money Laundering Law nga nagdili sa pagpadayag sa maong impormasyon.
Tungod niini, magamit matud pa ang doktrina nga “fruit of the poisonous tree” diin ang bisan unsang ebidensya nga gikan sa illegal nga subiran dili pwedeng dawaton sa korte.
Bisan pa man sa mga argumento sa matag bahin, gibasa na sa Presiding Officer ang usa ka nahandang ginasulat nga ruling aron opisyal nga mahatagan og katapusan ang maong usapin.
