Gikumpirma sa kampo ni Bise Presidente Sara Duterte nga kasamtangan siyang naa sa The Hague, Netherlands, samtang nagpadayon ang ikatulo nga semana sa iyang impeachment trial sa Senado.
Pahayag sa iyang defense team, nahibalo na ang Bise Presidente sa desisyon sa Senate court nga magpagawas og subpoena para sa iyang financial records ug sa iyang bana nga si Atty. Manases Carpio.
Gitin-aw sa Office of the Vice President (OVP) nga personal ang maong biyahe gikan Hulyo 16 hangtod Hulyo 31 para makigtagbo sa mga overseas Filipino, ug walay gigamit nga pondo sa gobyerno.
Dili kini ang unang higayon nga mibisita siya sa The Hague sanglit pila na ka higayon siyang miadto sukad sa pagkadetain sa iyang amahan nga si kanhi Presidente Rodrigo Duterte sa International Criminal Court (ICC).
