Hingpit nga gidili ang pagsunog og effigy o bisan unsang butang atol sa himuong mga kilos-protesta ugma, Lunes.
Mao kini ang pasidaan ni PCol. Allen Rae Co, ang hepe sa Public Information Office sa Philippine National Police, tungod kay ilegal ang maong matang sa kalihokan.
Samtang gipasalig usab sa kapulisan nga gamiton nila ang tanang malinawong pamaagi aron mapugngan ang maong binuhatan, ug mohimo gihapon sila og mas desisibong aksyon kon dili kini makontrol.
Gani, gipahinumdoman pa gyud niya ang publiko nga ang bisan unsang matang sa pagpangguba o pagsunog ang dili gyud i-tolerate sa mga otoridad atol sa mga demonstrasyon.
Tungod niini, nanawagan ang kapulisan sa katawhan nga tumanon ang balaod aron malikayan ang bisan unsang kaguliyang sa kadalanan.
