Walay nakitang bisan unsang kaduda-duda o iregularidad sa gi-encash nga pondo gikan sa buhatan ni Bise Presidente Sara Duterte, mao kini ang gibarugan sa propesor sa Ateneo de Davao University nga si Prof. Christopher Ryan Maboloc sa pagtuki sa Article 1 nga nagtutok sa pasangil nga giingong giabuso ang PHP 612.5 milyones nga confidential funds sa OVP ug DepEd.
Gibutyag sa propesor nga nagpabilin nga abri ug transparent ang tanang transaksyon tungod kay napasulod man kini sa rekord sa AMLA samtang sobra sa PHP 500,000 ang mga gipagawas nga kantidad.
Sigon pa sa akademiko, gisuportahan usab sa mga kompletong voucher ug mga legal nga dokumento ang paggawas sa kwarta gikan sa probisyon sa confidential fund aron sa pag-justify sa paggamit niini.
Gawas pa niana, gitin-aw sa maong eksperto nga ahat kaayo ang gihimong mga pamahayag sa prosecution panel aron lamang ikondisyon ang hunahuna sa publiko bisan pa nga wala pa sila nakapresentar og lig-ong ebidensya sa nahitabong malpraktis sa fiscal management.
