Gikumpirma ni Cagayan de Oro City Councilor Eric Salcedo nga nakab-ot ang tumong nga ma-decongest o mapaluag ang bug-at nga trapiko sa C.M. Recto Avenue subay sa gipatuman nga dry-run sa bag-ong ruta sa mga provincial public utility vehicle.
Gumikan niini, padayon nga gipamatian ug giatiman sa Road and Traffic Administration (RTA) ang mga reklamo sa mga pasahero gikan sa probinsya aron matun-an ang mas maayong pamaagi sa transportasyon sa dakbayan.
Dugang pa sa opisyal, giaprubahan ni Mayor Rolando “Klarex” Uy ang usa ka bulan nga dry-run diin maghatag og pinal nga rekomendasyon ang RTA inag kahuman sa maong gidugayon.
Busa gihangyo sa opisyal ang mga apektadong sumasakay nga hulatan una ang mahimong pinal nga desisyon sa maong transport ordinance.
