Walay duha duha nga gi-angkon ni Office of the Vice President – Special Disbursement Officer Gina Acosta nga si Vice President Sara Duterte ang nagmando kaniya nga itunol kang Philippine Army Colonel Raymund Dante Lachica, ang kanhi commander sa Vice Presidential Security and Protection Group (VPSPG) ang na-incash nga salapi nga musumada sa P125-MILYON niadtong Disyembre 2022.
Si Acosta, kinsa giila nga hostile witness malampusong napatug-an ni Prosecution Counsel Atty Amado Ligutan nga gisugo siya ni VP Sara nga itunol ang tibook salapi nga na-encash gikan sa tseke ngadto sa iyang kanhi commander sa VPSPG.
Una niini, gipakita pa ni Ligutan ang transcript sa Nobyembre 2024 nga hearing sa House of Representatives – Committee on Justice ang katin-awan gikan kang Acosta.
Miingon ang testigo nga wala nadawat ni Colonel Dennis Nolasco ang salapi, tungod kay direkta kining nahuptan ni Lachica human sila nagpa-encash sa tseke sa bangko.
