Gisaysay ni Mayor Khymer Adan T. Olaso sa Zamboanga City ang liniog nga pagpamusil nga nahitabo sulod sa Ateneo de Zamboanga University diin usa ka Grade 7 nga estudyante ang nagdala sa taas nga kalibre sa armas ug .45 nga pistola, karong buntag.
Gibutyag sa opisyal nga base sa mga nakuhang bidyo ug body cam sa suspek, daw naka-live streaming pa kini sa iyang mga kauban ug kaklase samtang giplanuhan niyang pamusilon ang iyang magtutungha ug mga kaubang estudyante.
Gilatag sa pasiunang imbestigasyon nga duha ang kumpirmadong namatay sa maong insidente, human nagpusil sa kaugalingon ang mismong suspek.
Miingon usab ang mayor nga labing minos duha pa ka tawo ang naangol samtang padayon pang ginasusi ang tinuod nga kahimtang sa maestra nga gipusil samtang naglingkod sa iyang lamesa.
Dili pa matubag sa mga otoridad ang tinood nga motibo sa kremin, sanglit naghunos sa kinabuhi ang suspek human sa pagpangluthang.
