Nangayo’g pasaylo si Palace Press Officer Atty Claire Castro human siya nasaypan sa konteksto nga iyang gigamit sa press briefing sa Malakanyang, kagahapon adlawa.
Ang iyang pagsorry nag-ugat sa pagkondinar sa batasan sa mga magtutudlo nga mao pay ehemplo sa pagpakopya sa dili maayong taras tali sa ilang mga tinun-an.
Subay sa labing lab-as nga press briefing, gitin-aw sa tigpamaba sa palasyo nga wala niya tuyua ang pagdaut ug pagpasakit sa mga magtutudlo.
Gituldukan ni Castro ang isyu pinaagi sa pag-angkon nga igo lang siya nagpadayag sa mga pahinumdum sa tanan magtutudlo kay daku ang ilang papel sa paghulma sa pagpanabot ug batasan sa ilang mga magtutungha.
Siya mi-angkon nga angayan lamang siyang magsorry sa iyang nasulti ug mihangyo nga matuldukan na ang maong isyu.
