Gipahayag ni Janboy Actub, ang tigpamaba ni Mayor “Klarex” Uy, nga nagpahigayon sa tigom ang Local School Board ug Local Health Board kauban ang mga komite sa panglawas alang sa pagpangandam sa extreme heat index.
Miingon si Actub nga nagkatugma ang maong tigom sa pagkahitabo sa usa ka insidente sa tunghaan diin nitambong usab ang Schools Division Superintendent ug mga representante gikan sa mga pampublikong ug pampribadong eskwelahan.
Tungod sa Zamboanga Incampus shootting, gipatawag ni Mayor Klarex ang City Director ug ang Task Force Oro aron mas pa gipalig-on ug gipakatap ang visibility sa kapolisan sa palibot sa mga eskwelahan.
Dugang pa niini nga gipahangyo usab ang mga barangay nga motabang isip force multipliers aron masiguro ang kaayohan sa matag pampublikong eskwelahan sa dakbayan.
Gipasiugda ni Actub nga tungod sa kadaghan sa mga kalihokan sama sa umaabot nga pista, dili kayan-kayanon sa kapolisan kon sila ra usab ang magbantay sa tibuok lugar.
Nagpabilin ang pahimangno nga gikinahanglan ang pagtinabangay sa tanang sektor aron magpabilin nga luwas ang tanang estudyante ug lumulupyo.
