Nigawas na ang gikinahanglan nga ebidensya aron pamatud-ang sad-an sa paggamit sa Confidential Funds si Vice President Sara Duterte nga maoy naghawid sa Office of the Vice Presidente (OVP) ug niadtong nagsilbing kalihim sa Department of Education sa katuigang 2022, ug 2023.
Sa exclusive interview sa BOMBO RADYO gipasabot ni Tingog Partylist Representative Jude Acidre nga ang tanang gikinahanglan nga ebidensya kalabot sa Article 1 napagula na ug napamatud-an sa ilang mga testigo, lakip na ang ilang hostile witness nga si OVP Special Disbursement Officer (SDO) Gina Acosta.
Gipamugos sa magbabalaod nga ang mga materyal nga ebidensya sama sa mga dokumento, acknowledgment receipts, vouchers, ug mga tseke gipamatud-an sa ilang witnesses gikan sa bangko ug ang mismong nagwithdraw sa minilyong salapi nga si Acosta, kinsa mi-angkon nga siya naglihok lamang pinasubay sa sugo o kamanduan ni VP Duterte.
Kini ang rason nga walay rason aron dudahan ang kredibilidad sa ilang mga testigos.
