Gi-impound sa Land Transportation Office (LTO) ang Porsche 918 Spyder nga nakarehistro sa aktor nga si Derek Ramsay human kini masakpan nga naggamit og dili awtorisadong plaka.
Personal nga nakita ni LTO Assistant Secretary Markus Lacanilao ang luxury car sa EDSA nga adunay plakang “AJV 0918.” Sa beripikasyon, napamatud-an nga walay rehistradong plaka nga ingon niini alang sa bisan unsang Porsche sa Pilipinas.
Nakumpirma nga si Ramsay ang rehistradong tag-iya samtang si Anthony Jude “AJ” Violago ang nagmaneho sa insidente.
Giingon ni Ramsay nga wala siya sa nasud ug gibilin ang sakyanan kang Violago samtang ginaistoryahan ang posibleng baligya niini.
Tungod sa dili kompleto nga dokumento ug paggamit sa custom plate, gi-impound sa LTO ang sakyanan ug gi-kumpiska ang lisensya ni Violago samtang naghulat sa pormal nga pagdinig
